Ultra maratoi baten sahiesteko arriskuak

Arrisku traumatikoak alde batera utziz, sahietsezinak diren teknika falta edo istripu baten ondorioz, helmugara ondo iristea oztopatzen diguten beste zenbait arazo aurki ditzakegu.

Alde batetik, azaleko lesioak ditugu. Orokorrean oinetan aurki ditzakegu, baina igurtzia jasan behar duten guneetan ere sarri agertzen dira, hanken barnealde edota titiburuetan adibidez.

Urratu eta baba hauek ekiditeko egin daitekeen hoberena material egokia erabiltzea da, baita hau ondo mantendu eta beharrezkoa denean aldatzea ere.

Galtzerdian pliege txiki bat izateak froga mingostu ditzakegu, hilabeteetan zehar jasotako entrenamendua pikutara bidalduz, beraz zuk ikusi!

Beraz, hobe une batez gelditu eta arazoa oraindik txikia denean konpondu ezkero.

Lehenago aipatutako urradurekin gauza bera gertatzen da. Aztertu zure arropa erabili aurretik, likrazko mallak erabili zure izterrek elkarren artean ukitu ez daitezen, erabili baselina urratuak arintzeko, edo erabili tiritak kamiseta eta titiburuek elkar ukitu ez daitezen.

Distantzia handiko lasterketetan digestio arazoak ere oso ohikoak izaten dira.

Korrika egiten dugun bitartean, gehien lan egiten duten giharrek odol gehiago eskatzen dute, beste zenbait organok odol falta arriskua sufritzen dutelarik, digestio aparatuak adibidez.

Eta jaten dugunean, lasterketak irauten duen bitartean jatea guztiz beharrezkoa delako, urdail zein hesteei zaila egiten zaie haien funtzioak betetzea, gure errendimendua murriztuko duten digestio arazoak sortaraziz.

Hori dela eta, jaki eta edariak  kontsumitzerakoan kontu handia izan behar dugu, kopuru ez oso handietan eta modu erregularrean eginez.

Gomendagarria izango litzateke kontrol artean jakiren bat eskura izatea, baina beti ere neurriz kontsumituz.

Frogan agortuko ditugun kaloriak berreskuratzeko, hau amaitzean gehiago jatea guztiz beharrezkoa da, karbono hidratoak batez ere.

Ia lasterkarien %40ari kalte egiten dion beste traba bat sodio kontsumoaren gabezia da, lasterketan zehar eskainiko dizkiguten jaki gatzatuetan aurki daitekeena, eta beraz hauek ere gure dieta ahalik eta osatuena izan dadin kontsumitu beharrekoak dira.

Ibilbidean zehar banatuta aurkituko ditugun postuetan jaki solido zein edariak aurkitu ahal izango ditugu.

Zihurrenik, zuen jaki gordailuak betetzera eskainitako denbora hurrengo kilometroetan zehar berreskuratuko duzue, soberan gainera.

Korrika bai, baina zentzuz!